Delegashon di China i BIE a bishita Promé-minister
Geschreven door OCaN Redactie zaterdag 22 mei 2010 00:00
Delegashon di China i BIE a bishita Promé-ministerUn delegashon for di China, un representante di World Intellectual Property Organization di Geneve i direktor di Ofisina pa Propiedat Intelektual di Antia Ulandes a hasi un bishita di kortesia serka Promé-minister, sra. Emily de Jongh-Elhage.
E bishita tabata na okashon di un mishon di estudio serka Ofisina pa Propiedat Intelektual di dianan 19 di mei pa 22 di mei 2010. E delegashon di China ta na Kòrsou pa motibu ku Antia su situashon ta úniko. Nos pais komo parti di e Protokòl di Madrid ta ofresé Registrashon Internashonal di Marka i e delegashon Chines kier a wak si e modèl aki por keda apliká pa ku Hong Kong tambe.
Riba pòrtrèt por mira parti di e delegashon na momentu di nan bishita di kortesia serka Minister Presidènt. Riba e pòtrèt por mira sr. An Qinghu, Direktor-General di International Cooperation Department, State Agency for Industry and Commerce (SAIC) of the People's Republic of China na momentu ku el a risibí un speld ku e eskudo di Antia Ulandes. Tambe riba pòrtrèt Matthijs Geuze, Head International Appellations of Origin Registry of the World Intellectual Property Organization i sr. Juny Sluis, Direktor di Ofisina pa Propiedat Intelektual di Antia Ulandes.
E delegashon a konsistí ademas di sr. Xie Dongwei, Director Division for Bilateral Cooperation, International Cooperation Department of SAIC; Mr. Shang Zhen, Deputy Director, Department of Treaty Law, Ministry of Foreign Affairs of the People's Republic of China i sra. Gedeona Maduro, hurista di Ofisina di Propiedat intelektual di Antia Ulandes.