OCaN

Bericht van de Minister-president van de Nederlandse Antillen:Tragedia na Apeldoorn

Geschreven door sinuhe oomen vrijdag 01 mei 2009 15:15

Tragedia na Apeldoorn

Momentunan manera esun di e drama di Apeldoorn durante kua un outo a kore dal den públiko durante selebrashon di Dia di La Reina, kousando basta víktima i hasta morto, ta yena nos ku un profundo sintimentu di kombibensia ku nos rumannan na Ulanda. Prinsipalmente e ta yena nos ku sintimentu di pena pa famianan di esnan ku a pèrdè nan bida.

Komo Minister-presidente di Antia Ulandes, sra. Emily de Jongh-Elhage, a tuma kontakto awe mainta ku Promé-minister Balkenende pa kompartí kuné sintimentu di sosten i konsuelo na number di nos pueblo.

"Ta momentunan manera esaki ku bo ta bira mas konsiente kuantu nos tin mester di otro. Pasobra e balor di mas grandi ku ta uni nos ta e balor di ta forma parti di e rasa humano. Mas aun nos ta sinti kon serka di otro nos ta komo pueblonan di e paisnan den Reino.

Laga nos tur uni den pensamentu di sosten, forsa i konsuelo na e habitantenan di Apeldoorn, bou di kua tin tambe Antiano i na pueblo Ulandes en general", di akuerdo ku Promé-minister De Jongh-Elhage.