Hemayel Martina (poeta) & Levi Silvanie den ún presentashon huntu. 31 di Oktober 2010, Avila Hotel, Curacao
donderdag 21 oktober 2010 10:49
Nieuws
"Ansestro prekupá, sosegá paso Ami ta Kòrsou".
Willemstad - Levi Silvanie ta na Kòrsou e dianan aki den kuardo di lansamentu di e promé buki di poesia di otro hoben yu di Kòrsou Hemayel Martina. Resientemente durante e manifestashon kontra violensia (Stop the Violence) ku a tuma luga' na Rotterdam, e dos hobennan aki a presentá huntu. Hemayel Martina a kaba du skibi su buki nobo ku 39 poesia na Papiamentu titulá "Ansestro preokupá, sosegá", mientras ku Levi Silvanie ya a skibi un tema musikal titulá "Ami ta Kòrsou". I ta na momentu ku algun luna pasá e dos hobennan aki a topa ku ta nasé e projekto "Ansestro prekupá, sosegá paso Ami ta Kòrsou". Levi Silvanie lo ta na Kòrsou pa algun dia, mientras ku preparashonnan ta den ful swing pa e konsierto di Levi Silvanie "Djis Mi Mes" ku lo tuma luga' promé ku final di 2010
"Ansestro prekupá, sosegá paso Ami ta Kòrsou".
Levi Silvanie i Hemayel Martina lo probecha nan bishita simultaneo na Korsou pa duna un solo presentashon huntu den un anochi di poesia i kanto. Den e presentashon aki lo tin tantu obranan di Hemayel Martina i tambe e tema musikal di Levi Silvanie. E presentashon aki lo tuma luga' dia 31 di Òktober di 7or pa 9or di anochi na Le Belle Alliance den Avila Hotel. Lo tin solamente 300 karchi na rason di Fls 20,= ku lo ta obtenibel na Avila Hotel Boutique i Mensings Caminada.
Durante e anochi aki, presentenan lo por kumpra e bunita buki di poesia di Hemayel Martina i topa di forma mas pèrsonal ku e dos artista hobennan Levi Silvanie i Hemayel Martina.
Informashon
Pa kualkier informashon adishonal favor tene kontakto libramente ku Nathaly Harms na 520 90 57.
Atentamente,
Morgan Isenia
Media Magic/One Way Melodies for Levi Silvanie & Hemayel Martina