Huntu ku abo OCaN ta kuminsá ku un resistensha amplio kontra VIA
woensdag 26 november 2008 20:27
Notisia OCaN 5 sèptèmber 2008
Huntu ku abo OCaN ta kuminsá ku un resistensha amplio kontra VIAPromé lista di akshon a keda formulá
Hopi hende tin e impreshon ku nan ta pará so kontra VIA i ku ningun hende ta sali na nan defensa. Aña pasá hues nashonal a duna nos rason den nos opheshon kontra VIA, pero desgrasiadamente e siman aki a husga otro. Nos a pèrdè e kaso hudisial, pero nos tin intenshon di keda batayá kontra VIA. Esei ta na nos tur su interes.
OCaN tin e propósito pa den kolaborashon ku komunidat Antiano i Arubiano, i tambe ku Antia Neerlandes i Aruba, tuma e siguiente pasonan kontra VIA:
Prosedé hudisialmente na Korte Europeo pa Derechonan Humano (EHRM) di e Konseho di Europa na Straatsburg. OCaN lo konsiderá di tuma otro pasonan internashonal (hurídiko, polítiko i via medionan di publisidat).
Investigá si nos por prevení ku nan ta sigui ku VIA despues di 11 di desèmber 2008, lokual lo ta ilegal segun e College Bescherming Persoonsgegevens (Kolegio pa protehé datonan personal -CBP-) .1)
Mustra siudadanonan Antiano i Arubiano na Hulanda kon nan mester anda ku nan derechonan en relashon ku VIA (‘derecho di saminá, koregí/apelá') i nan debernan. Eventualmente apoyá inisiativanan manera e esfuersonan di timnan móbil hurídiko Antiano/Arubiano pa i dor di hóbennan.
Un petishon pa yega na un deliberashon di urgensia ku Minister Vogelaar pa transmití e sentimentunan di e achterban en relashon ku VIA. Fuera di esei nos ke plantia kiko ta e posibel konsekuenshanan di VIA pa e maneho di integrashon relashoná ku e gruponan di rísiko Antiano i Arubano.
Nos tin e propósito pa laga hasi un investigashon tokante e legitimidat di e VIAnan lokal na Leeuwarden, Nijmegen i Rotterdam ku nan a implementá den e último dos añanan, mientras ley - segun nos - a prohibí esei. Nos ke investigá e posibilidat ki pasonan nos por tuma ainda kontra esaki.
Apoyá tur inisiativa ku ta sali for di komunidat, manera un marcha di protesta i un akshon di rekolekta firma kontra VIA.
Den e próksimo simannan OCaN, huntu ku abo i e achterban, politik na Antia i Aruba, ekspertonan i demas interesado formulá un plan den varios etapa. E reklamo n'e Korte Europea mester keda entregá denter di seis luna.
Nota pa redakshon
OCaN
Laan van Meerdervoort 145ª
2517 AX Den Haag
OCaN bureau: 070-380.33.01
Glenn O. Helberg: 06-502.91.004
HYPERLINK www.ocan.nl
Redakshon di OCaN: Dit e-mailadres is beschermd tegen spambots. U heeft Javascript nodig om het te kunnen zien.
1)Ta otorgá e dispensashon pa un término di dos aña. Na final di e término aki e prosesamentu di e datonan di persona tokante etnisidat (bou di kwa e selekshon a base di etnisidat) ta ilegal pa motibu d i e sirkumstansha ku e eksepshon riba e prohibishon pa por prosesá e datonan aki, a kaduká. Esaki ta konta tantu pa VIA komo pa e deliberashon di kasonan di gemeente.Desishon riba e opheshon, CPB, 3 di aprel 2007, kondishon b, p14, chèk tambe:
HYPERLINK "http://www.cbpweb.nl/downloads" http://www.cbpweb.nl/downloads overig/besluit bezwaar via pdf.refer=true&theme=purple
OCaN ta e interlokutor ofisial di gobièrnu di Reino Neerlandes pa Antianonan i Arubianonan. OCaN ta partisipá den e Landelijk Overleg Minderheden (LOM), presidí p'e Minister pa WWI.
capmar vertalingen
6 september 2008