Marcha Antiano i Arubano Stòp e Violensha riba djadumingu atardi 3 di òktober 2010
zaterdag 25 september 2010 23:19
Komunikado di prensa di e komunidat Antiano i Arubano na Hulanda, 27 di sèptèmber 2010
Djádumingu 3 di òktober awor e komunidat Antiano i Arubano na Hulanda ta organisá un marcha Stòp e Violensha. E meta di e marcha ta hasi un statement kontra e violensha di arma den kua Antiano- i Arubanonan tabata enbolbí enfátikamente tantu komo outor i komo víktima e zomer ku ta tras di lomba. E marcha ta sali 14 or foi Zuidplein na Rotterdam i ta pasa dor di e Millinxbuurt/Tarwewijk i e marcha ta terminá tambe na Zuidplein unda lo tin un manifestashon di 15.30 or te 17.00 or ku oradónan i artistanan.
E marcha lo forma parti di un kampaña ku diferente initiativanan foi di e komunidat Antiano i Arubano pa stòp e violensha. Ta sumamente nesesario den e kaso aki intervenshonnan direkto di trahadónan ku hóbennan kendenan tabata ántes den mes situashon ku e 'muchanan hòmber i muhé Antiano i Arubano ku poko perspektiva i ku ta hopi riba kaya'. Otro opshonnan ta tratamentunan fásilmente alkansabel pa hóbennan problemátiko i (èks)detenidonan ku problemátika sikiátriko, restorative justice (rekuperashon di e relashon entre e outor i su famia i e víktima/parientenan di e víktima), intervenshonnan den famianan 'kibrá', e apoyo di studiantenan Antiano i Arubano pa muchanan hóben Antiano i Arubano ku poko perspektiva den barionan ku problema, krea oportunidatnan pa hóbennan i yuda nan hasi uso di e oportunidatnan.
Statements pa kompatriotanan, Paisnan nobo, mayornan, Munisipionan di Antianonan
E komunidat Antiano i Arubano ke hasi durante e marcha un yamada urgente na kompatriotanan ku tin armanan pa entregá nan. Ademas e komunidat ta pidi e Paisnan nobo den e parti Karibe di Reino pa traha huntu ku Hulanda kontra e violensha. E komunidat Antiano i Arubano ta pidi e mayornan Antiano i Arubano na e islanan- ora nan yunan ta bai Hulanda- pa sòru di bèrdat pa un akohida stabil, skol òf trabou. Por último e komunidat ta pidi Hulanda i e munisipionan di Antianonan pa apoyá konhuntamente e initiativanan di e komunidat Antiano i Arubano pa stòp e violensha.
Apoyo amplio
E marcha Stòp e Violensha ta ser apoyá i stimulá pa diferente (personanan di) organisashonnan, figuranan klabe, initiativanan basá riba kreensha, media i empresarionan den e komunidat Antiano i Arubano na Hulanda, manera OCaN, MAAPP, PAAB/beraden, VAN, PPAAA, invitadonan di A.W.O.R, NANTO, SWA, Temple of HipHop, Mikesa, Game of Life, Amarelis, the Mall/YfC, Simpla, stichting Waarheid, Victory Outreach, Thugz Church, New Song, SWF, Nos TeVe, RTV-7, gobièrnunan i hopi mas.
Ruta
E ruta (bou restrikshon) di e marcha Stòp e Violensha (14.00 or te 15.30 or, reuní 13.30 or) ta lo siguiente: Zuidplein (lugá pa parker outo Woonunie, enfrente di Centrum voor Jeugd en Gezin) - Wevershoek - Borselarstraat - Rijsoord - Millinxstraat - Moerkerkeplein - Moerkerkestraat - Cillershoekstraat - Hekelingenstraat - Groepstraat - Blankenburgerstraat - Van Onselenstraat - Bas Jongeriusstraat - Voetjesstraat - Boelstraat -Mijnsherenlaan - Goereesestraat - Zuidplein (lugá pa parker outo Woonunie, enfrente di CJG, 15.30 or te 17.00 or).
Nos ta hasi un yamada na tur Antiano- i Arubanonan - espesialmente e tatanan - i simpatisantenan pa partisipá ne marcha Stòp e violensha riba djadumingu atardi 3 di òktober próksimo! Stòp e violensha! Ta basta awó.
Nota pa e redakshon
Glenn Helberg
presidente OCaN (Overlegorgaan Caribische Nederlanders)
06-502.91.004
Ofisina di OCaN: 070-380.33.01 www.ocan.nl
Raymond F. Labad, Jr.
presidente MAAPP (Movimentu Antiano i Arubano pa Promové Partisipashon)
06.383.52.495 www.maapp.nl
Maite de Haseth
presidente VAN (Vereniging Antilliaans Netwerk)
06-270.14.183 www.antilliaansnetwerk.nl
Ed Gumbs
presidente PPAAA Platform van Politici van Antilliaanse en Arubaanse Afkomst)
06.215.65.742
Braien Candelaria
Direktor Temple of HipHop Europe
06.447.41.389 www.stoptheviolence-templeofhiphop.eu
Mira tambe: http://www.youtube.com/watch?v=GdkOHVSz3dQ