Skip to main content

Actualiteiten

KOMUNIKADO DI PRENSA: Ras Elijah ta bai drecha pinturanan riba muraya na Bajonetstraat

28 mei 2019

Persbericht Ras Elijah muurschildering 30 mei Ocan Caribisch

BAJONETSTRAAT TRINTA DI MEI

Dia 30 mei di 2019, nèt 50 aña despues, ta kuminsá ku e akshon di crowdfunding Bajonetstraat Trinta di Mei pa restourashon i konservashon di e pinturanan riba muraya di man di Ras Elijah.

E susesonan di 30 di mei 1969 ta forma una punto destaká den historia kolektivo di Kòrsou. Mural Artist i músiko Ras Elijah na su manera profundo a fiha esaki riba muraya den Bajonetstraat, un kaya smal den Otrobanda. Banda di e Grandinan di Mundu, manera Nelson Mandela, Martin Luther King i Haile Selassie, Ras Elijah a pinta tambe den 1996 figuranan klave di e susesonan di e dia(nan) ei: Amador Nita Papa Godett i Stanley Brown.

Tempu sinembargo a hasi basta daño na e obra di arte ekstraordinario akí. Pues, a bira tempu pa un restourashon/konservashon serio! Un kasualidat poko dia ei a trese e pintor i músiko Ras Elijah, e artista plástiko Yubi Kirindongo i edukadó te den su higra Louis Hilgers huntu ... òf tabata un kasualidat? E forsa di konvikshon di Louis Hilgers kombiná ku e sosten di Yubi Kirindongo a pone ku Ras Elijah a komprometé su mes ku e ke i lo tuma e restorashon personalmente den su man. Despues di 21 aña e ta regresá su isla pa un enkuentro. Ace Suares, Kòrsou su hòmber di Open-Source mesora entusiasmá a uni su mes na esaki. Louis i Ace a disidí pa sòru pa e medionan finansiero nesesario pa medio di un akshon di crowdfunding. Asina nan ke tene e historia di e susesonan di 30 di mei 1969 bibu pa Kòrsou.

Den Novèmber, lo kombiná e proseso di restourashon, ku lo dura mas o ménos dos siman, ku un eksposishon di e obranan di Ras Elijah den e kurá di eskultura úniko i maravioso di Yubi Kirindongo. Tambe tin presentashon musikal di Ras Elijah planiá.

Pa tur informashon: Bajonetstraat30mei.org

Meer Actualiteiten

Donaties

Wilt u een gift of donatie doen

Zelfs de kleinste giften zijn voor ons van grote betekenis.