Skip to main content

Vacatures zoeken

Logo Deloitte CROP Ocan caribisch

Heeft u altijd op Curaçao willen werken? Graag brengen wij deze geweldige kans onder uw aandacht. Deloitte Dutch Caribbean zoekt namens haar klant Instituto Nashonal di Kultura di Kòrsou (INKK) kandidaten voor de functie Direktor Statutario (Statutair Directeur). Geïnteresseerden dienen hun sollicitatie en curriculum vitae te mailen naar   .  Sluitingsdatum is zaterdag 31 januari 2026.

 

Logo Instituto Nashonal di Kultura Ocan caribisch

Vakatura: Direktor Statutario (Statutair Directeur)

Bo stima nos kultura i bo ke protehá Kòrsou su tradishon kultural i lag’é lusi?

Instituto Nashonal di Kultura di Kòrsou (INKK) ta buskando un Direktor Statutario pa dirigí un organisashon dinámiko, ku ta protehá Kòrsou su kultura i arte, promoviendo esaki  tantu lokal komo na nivel internashonal.  

INKK ta ehekutá e maneho kultural di Gobièrnu di Kòrsou. Ta skohe aktividat kultural den estrecho konkordansia ku Gobièrnu. INKK ta protehá i konservá nos kultura i lag’é biba i krese, mediante un gran variedat di proyekto i diferente disiplina. E maneho kultural ta  determiná e aktividatnan i ta enserá diferente tereno i maneho di programa kultural.



E funshon

Komo Direktor Statutario lo bo ta finalmente responsabel pa realisá e ophetivonan statutario i pa determiná rumbo di e organisashon. Bo ta interpretá nos ambishon kultural komo base pa formulá kuadro práktiko di mas ku un aña, pa formulá plan di operashon i presupuesto kada aña. Konkretamente, esaki ta enserá:
  • Formulá, implementá i ahustá e strategia i maneho denter di kuadro di lei, supsidio i kuadro di bon gobernashon.
  • Perkurá pa kontinuidat finansiero: kontrolá presupuesto, likides i kuenta anual.
  • Manehá riesgo, kontròl interno i duna na tempu reportahe na e outoridatnan di supervishon.
  • Desaroyá oferta di produkto, fortalesé e inovashon sentrá riba merkado i aliansanan públiko-privá den infrastruktura físiko i digital, prosesonan produktivo i servisio na públiko.
  • Dirigí un maneho moderno di rekurso humano sentrá den liderazgo, desaroyo di talento i un kultura laboral saludabel.
  • Diseñá i mantené tèknologia digital pa protehá siguridat di dato i generá sifra konfiabel pa usa den maneho.
  • Representá INKK na nivel nashonal i internashonal. Mantené relashon ku Gobièrnu, sosionan kultural, enseñansa i empresa privá.
  • Manehá reputashon i komunikashon den kaso di krísis i formalisashon di kontrakt segun mandatonan establesé.
  • Informe tokante impakto finansiero, alkanse programátiko, kolaborashon i avanse di digitalitashon.

 


Bo profil

  • Nivel di trabou i pensamentu akadémiko (Enseñansa Akadémiko). Un ‘master’ kombiná ku maneho i kultura ta un bentaha.
  • Por lo ménos 10 aña di eksperensia den maneho, di kua por lo ménos 5 aña komo maneho finalmente responsabel den un organisashon mediano òf grandi.
  • Afinidat komprobabel ku i konosementu di e sektor kultural. Ta balorá spesialmente eksperensia den region di Karibe.
  • Konosementu amplio di e konteksto polítiko i públiko, Code Corporate Governance (Curaçao), kontratamentu públiko, lei di kontrakt i lei laboral. Konosementu básiko di derecho di outor ta un bentaha.
  • Eksperensia ku maneho di fondo públiko, kuadro di supsidio i di bon gobernashon.
  • Eksperensia ku disiplina kultural, entre otro patrimonio kultural, arte, sine/oudiovisual, arte visual, ku eksperensia den rekoudashon di fondo (patrosinio) ta un bentaha.
  • Eksperensia ku desaroyo organisashonal, maneho di rekurso humano, maneho di kambio i krísis.
  • Eksperensia ku digitalitashon i maneho sentrá riba dato digital ta un bentaha.
  • Sensibilidat polítiko i atministrativo, ekselente kapasidat komunikativo i abilidat pa manehá ‘stakeholders’ di un manera elegante.
  • Vishon finansiero, kapasidat pa tuma desishon i enfoke riba kalidat i siguridat.
  • Íntegro, komprometí ku sosiedat, resiliente, i outokrítiko.
  • Dominio ekselente di papiamentu, inglés, hulandes i spañó. Komo representante públiko, bo tin dominio di medionan di komunikashon.


Oferta
Nos kliente ta ofresé kondishonnan laboral konforme merkado i un ambiente dinámiko.

Prosedura
Ta abo lo bira e lider ambisioso i ku sa di trese hende huntu i traha uní pa hiba INKK dilanti? Nos ta warda bo kontesta. Pa mas informashon, bo por tuma kontakto ku Sra. Eliane Haseth, Senior Consultant na Deloitte Dutch Caribbean, pa medio di òf via number di telefòn (+5999) 433 3333. Manda bo karta di motivashon i bo cv promé ku dia 1 di febrüari 2026 na . Lo bo risibí konfirmashon denter di 3 dia (si esaki no tuma lugá, por fabor tuma kontakto ku nos). Un ‘assessment’, investigashon di bo integridat i evaluashon médiko por ta parti di e solisitut. Lo trata bo solisitut konfidensialmente.