Skip to main content

Actualiteiten

Bestuurscollege di Boneiru kier invita bo (so) pa un enkuentro tokante ‘Masterplan 2030’ konhuntamente ku nos diputadonan i gezaghebber di Boneiru

21 januari 2020

Masterplan 2030 2 web edit Ocan Caribisch Boneiru

Masterplan 2030 web edit Ocan Caribisch Boneiru

 

Apresiabel ko-suidadanonan boneriano,

Aunke boso ta biba (temporalmente) na Hulanda Oropeo, esei no ta hasi ku boso laso ku Boneiru ta ménos fuerte. Nos Kolegio Ehekutivo ta spera ku un dia, enrikesé ku konosementu i eksperensia, boso ta regresá pa yuda pa hasi Boneiru mas mihó òf pa disfruta di un behes bon meresí. En todo kaso ta parse nos algu bon pa tene kontakto ku boso i esaki ta e motibu ku nos ta invitá boso pa un reunion dia 12 di febrüari binidero di 17.00 'or te 20.00 'or den edifisio di ministerio di Asuntunan Interno i Relashonnan den Reino, Turfmarkt 147 na Den Haag.

E siman ei nos diputadonan Nina den Heyer, Elvis Tjin Asjoe i suskrito ta na Den Haag ku un bishita di trabou. Gustosamente na nòmber di henter Kolegio Ehekutivo nan ke informá boso tokante e desaroyonan di mas resien, nos ambishonnan manera nan ta formulá den Akuerdo Intergubernamental i den Programa di Gobernashon i kon nos ta atendé ku retraso.

Komo Kolegio Ehekutivo nos ke enbolbí komunidat boneriano na Hulanda tambe den formulashon di e Plan Maestro 2030. Nos no ta duda ku boso tambe lo tin sierto ideanan tokante kon nos isla mester lusi aki 10 aña i nos tin gana di tende nan. Pa registrá pa e reunion boso por manda un mensahe na . Nos ta invitá Bo pa registrá pa e konferensia aki promé ku 7 di febrüari.

Si entretantu Bo tin kualke pregunta, por fabor manda un imeil òf tuma kontakto ku nos na 00599 717 5330 ekstenshon 1235.

Un kordial saludo,
Na nòmber di Kolegio Ehekutivo,

Edison Rijna, gezaghebber

 
 

Meer Actualiteiten

Donaties

Wilt u een gift of donatie doen

Zelfs de kleinste giften zijn voor ons van grote betekenis.