Foto Samira Rafaela Facebookpagina Persbericht D66 EU Corona noodfonds

16/04/2020 – Komunikado di prensa D66: Parlamentu Oropeo ta apelá pa un fondo di emergensia pa apoya nos paisnan Hulandes Karibense

Awe, Parlamentu Oropeo (EP) a adoptá un resolushon amplio riba e krísis di COVID-19, ku un atenshon spesial pa e paisnan i teritorionan ultramar (LGO) den Union Oropeo (EU). Riba inisiativa di e europarlamentario Samira Rafaela (D66) i dje frakshon ‘Renew Europe’, ta pidi Komishon Oropeo (EC) i dje estadonan miembro di EU pa nan establesé un fondo spesial di emergensia pa e LGO-nan. Esaki tambe ta inkluí e seis islanan di e parti Karibense di Reino Hulandes.

Rafaela a pidi Komishon Oropeo (EC) pa nan mantené e drèmpel pa e fondo aki mas abou posibel. Dje forma ku e yudansa di emergensia por ta rápidamente desplegá kaminda e nesesidat ta mas amplio. Hopi gobièrnunan di e islanan aworakí ta yená i kargá ku e problemátika di e krísis aktual. Tin un nesesidat urgente pa aparatonan mediko, meterial di protekshon i remedi. Tambe e situashon di pobresa I hamber ta alarmante.

Samira Rafaela: “Parlamentu Oropeo a pone kla awe ku e teritorionan di LGO tambe ta parti di e famia Oropeo. E habitantenan tambe ta siudadano di Union Oropeo (EU). Pues nos mester prepará unu pa e otro tambe tin forsa, spesialmente den tempu di krísis. Mi ta pidi pa Komishon Oropeo aktua rápido riba e momentu!".

Rafaela a suprayá e importansia i konekshon ku Hulanda tin ku nos islanan Hulandes Karibense.

“Nos ta un reino. Un reino, pues ta importante tuma nota ku nos tur ta den e mesun barku akí. P’ami ta opvio ku for di Hulanda tambe nos ta mira e parti Karibense komo parti di e Reino Hulandes. P’esei komo parlamentario Oropeo Hulandes mi no a duda ni un sekònde ku e yudansa Oropeo tambe mester bini pa e islanan Hulandes Karibense. Awor ta korespondé na Hulanda i e otro paisnan di Reino pa hasi tur loke ta posibel pa apliká na e fondo akí!”

Donaties

Wilt u een gift of donatie doen

Zelfs de kleinste giften zijn voor ons van grote betekenis.

Maak een afspraak

+31 70 380 33 01

Beltijden

Maandag t/m vrijdag: 09:00 - 17:00
Zaterdag en Zondag: Gesloten

Adres

Haagsche Hof, unit D212
Parkstraat 83
2514 JG Den Haag

Aanmelden nieuwsbrief